اسرائیل: ہزاروں افراد کا قبل از وقت الیکشن کیلئے احتجاج، نیتن یاہو نے جلد الیکشن کا مطالبہ مسترد کردیا
غیرملکی خبررساں ادارے کے مطابق مظاہرین ایک بار پھر تل ابیب کی سڑکوں پر نکل آئے اور نئے انتخابات کا مطالبہ کیا جن کا طے کردہ وقت 2026 ء ہے۔سر پر اسرائیلی پرچم لپیٹے ہوئے ایک مظاہر نے کہاکہ میں حکومت سے کہنا چاہوں گا کہ آپ نے اپنا وقت لے لیا، آپ نے وہ سب کچھ برباد کر دیا جو آپ کر سکتے ہیں۔ اب وقت آگیا ہے کہ لوگ یہ تمام چیزیں درست کریں، تمام برے کام جو آپ نے کیے ہیں۔
تاہم اسرائیلی وزیراعظم نیتن یاہو نے ملک میں جلد انتخابات کا مطالبہ مسترد کردیا۔
غزہ پر اسرائیل کے مسلسل حملوں سے اسرائیل میں جلد انتخابات کا مطالبہ زور پکڑ رہا اور مظاہرین نیتن یاہو کے استعفے کا بھی مطالبہ کررہے ہیں۔
اسرائیلی میں گزشتہ سال کے آخر میں حکومت مخالف بڑے مظاہرے دیکھنے میں آئے جب کہ سال 2024 میں بھی نیتن یاہو کی حکومت کے خلاف مظاہرے کیے جارہے ہیں اور ملک میں نئے انتخابات کا مطالبہ کیا جارہا ہے تاہم اسرائیل میں نئے انتخابات 2026 میں شیڈول ہوں گے۔
تل ابیب میں ہزاروں افراد نے پولیس کی ناکہ بندی توڑتے ہوئے سڑکوں پر احتجاج کیا، مظاہرین نے نیتن یاہو کی حکومت کو تباہی اور بربادی کا ذمہ دار قرار دیا ہے۔