اسپینش لالیگا، بارسلونا نے اٹلیٹیکو میڈرڈ کو 3-0 کے بڑے مارجن سے شکست دے دی
اردو انٹرنیشنل (اسپورٹس ڈیسک ) تفصیلات کے مطابق اسپینش لالیگا کے ایک میچ میں اٹلیٹیکو میڈرڈ اور بارسلونا مدِ مقابل تھے ۔اس میچ میں اٹلیٹیکو میڈرڈ سے قرض پر لیے گئے بارسلونا کے کھلاڑی، جواؤ فلیکس ،نے اٹلیٹیکو میڈرڈ کے خلاف ایک گول کیا، اور یہ گول اس لا لیگا سیزن میں ہوم گراؤنڈ پر اٹلیٹیکو میڈرڈ کے لیے پہلی شکست کا باعث بنا ۔
فیلکس نے 38ویں منٹ میں ایک عمدہ پاسنگ تسلسل کو ختم کرتے ہوئے گول کیا۔ اس کے گول کے کچھ ہی دیر بعد بارسلونا کے منیجر چاوی کو ریفریوں سے بحث کرنے پر باہر بھیج دیا گیا۔
بارسلونا کے لیے رابرٹ لیوینڈوسکی نے ایک اور گول کیا اور 65ویں منٹ میں فرمین لوپیز نے تیسرا گول کر کے بارسلونا کی فتح کو یقینی بنایا۔
اس جیت کے ساتھ ہی بارسلونا لا لیگا سٹینڈنگ میں دوسرے نمبر پر چلا گیا جبکہ اٹلیٹیکو میڈرڈ پانچویں نمبر پر چلا گیا۔
اٹلیٹیکو میڈرڈ نے کھیل کا آغاز اچھا کیا لیکن گول کرنے کے کچھ اچھے مواقع گنوا دیے، الوارو موراتا کو میچ میں گول کرنے کے دو مواقع ملے لیکن وہ انہیں گول میں تبدیل کرنے میں ناکام رہے۔ اس کے بعد، فیلکس نے بارسلونا کے لیے گول کر کے میچ پر قابو پالیا۔
اٹلیٹیکو میڈرڈ نے ہفتے کے شروع میں انٹر میلان کے خلاف چیمپیئنز لیگ کا ایک سخت میچ کھیلا، جو اس نے اضافی وقت اور پنالٹی کے بعد جیت لیا۔ تاہم بارسلونا کے خلاف میچ میں ایسا لگتا تھا کہ دوسرے ہاف میں اٹلیٹیکو میڈرڈ کی توانائی کم پڑ گئی تھی ۔
دوسرے ہاف کے صرف دو منٹ میں بارسلونا کے لیے رابرٹ لیوینڈوسکی نے ایک درست شاٹ لگا کر پوسٹ کے اندر سے گول کر دیا۔ اس کے بعد فرمین لوپیز نے لیوینڈوسکی کی جانب سے کراس حاصل کرتے ہوئے بارسلونا کے لیے ایک اور گول کر دیا ۔
اٹلیٹیکو میڈرڈ کا دفاع اس وقت مزید کمزور ہو گیا جب ناہوئل مولینا کو بارسلونا کے ویٹر روک کو فاول کرنے پر اسٹاپیج ٹائم میں اس وقت ریڈ کارڈ ملا جب وہ گول کرنے کے بالکل قریب تھے ۔
اٹلیٹیکو میڈرڈ کو ان کے ہوم اسٹیڈیم پر بارسلونا کے خلاف جنوری 2023 کے بعد پہلی بار شکست کا سامنا کرنا پڑا ۔