گوہر خان کو عثمان بزدار سے نہ ملایا جائے،بزدار پی ٹی آئی کا تلخ تجربہ تھا
اردو انٹرنیشنل (مانیٹرنگ ڈیسک ) نجی ٹی وی کے پروگرام میں گفتگو کرتے ہوئے تحریک انصاف کے رہنماء علی محمد خان نے تسلیم کیا کہ عثمان بزدار امیدوں پر پورے نہیں اتر سکے،انہوں نے کہا کہ نامزد چیئرمین پی ٹی آئی کو عثمان بزدار سے نہ ملایا جائے۔انہوں نے کہا کہ عثمان بزدار پی ٹی آئی کا تلخ تجربہ تھا۔
علی محمد خان نے کہا ہے کہ بیرسٹر گوہر علی خان عبوری مدت کیلئے چیئرمین پی ٹی آئی ہوں گے لیکن اس دوران وہ بااختیار ہوں گے اور فیصلے وہی کریں گے۔
علی محمد خان کا کہنا تھا کہ ان کے آبائی گاؤں کو اُن کے حلقے سے نکال دیا گیا ہے، کیا الیکشن کمیشن اسے لیول پلیئنگ فیلڈ سمجھتا ہے؟