ملکی تاریخ میں پہلی مرتبہ خیبر پختونخوا کی جیلوں کے قیدیوں کے اکاونٹس کھولنے کا فیصلہ
ملک کی تاریخ میں پہلی مرتبہ خیبر پختونخوا کی جیلوں کے قیدیوں کے اکاونٹس کھولنے کا فیصلہ .قیدیوں کے بنک اکاونٹس کھولنے کی منظوری ویلفئیر فنڈ رولز 2023 کے تحت دی گئی ہے.
آئی جی جیل خانہ جات عثمان محسود کے مطابق پہلی مرتبہ قیدیوں کی جانب سے خاندان کی کفالت کے لیے رولز بنائے گئے ، قیدیوں کے اکاونٹس کے لیے بنک آف خیبر سے بات کی جارہی ہے .
دستاویز کے مطابق قیدی جیل میں مزدوری کرکے اپنے خاندان کی کفالت کرسکیں گے.
قیدیوں کو ملنے والی اجرت کا 10 فی صد حکومت ،30 فی صد قیدیوں اور 60 فی صد ویلفئیر فنڈ میں جمع کرایا جائے گا .
دستاویز میں لکھا ہے کہ جیل میں قیدی قالین سازی ، فرنیچر اور چمڑے کے چھوٹے کارخانوں میں مزدوری کرسکیں گے.
دستاویز کے مطابق قیدی جیلوں میں پی سی او اور کینٹین میں بھی مزدوری کرسکیں گے.