ایف آئی اے نے علیمہ خان کو 3 فروری کو طلب کر لیا
ایف آئی اے نے بانی پی ٹی آئی عمران خان کی بہن علیمہ خان کو 3 فروری کو طلب کر لیا.
تفصیلات کے مطابق ایف آئی اے نے علیمہ خان کو سائبر کرائم انکوائری کا نوٹس جاری کر دیا ہے. علیمہ خان پر یہ الزام ہے کہ انہوں نے معاشرے میں انتشار اور عوام کے اندر خوف و ہراس پھیلایا ہے. ایف آئی اے نے علیمہ خان کے خلاف ریاست کی مدعیت میں انکوائری کا حکم دیا ہے.
نوٹس میں کہا گیا ہے کہ علیمہ خان 3 فروری 2024 کو صبح 11 بجے ایف آئی آئے سائبر کرائم رپورٹنگ سینٹر میں پیش ہو کر وضاحت پیش کرے جبکہ عدم پیشی کی صورت میں یہ خیال کیا جائے گا کہ علیمہ خان کے پاس اپنے دفاع میں کہنے کے لئے کچھ نہیں ہے.