سائفر کیس: الیکشن کمیشن نے شاہ محمود قریشی کو 5سال کے لیے نااہل کردیا
الیکشن کمیشن آف پاکستان نے پاکستان تحریک انصاف(پی ٹی آئی) کے رہنما شاہ محمود قریشی کو نااہل کرتے ہوئے پانچ سال کے لیے انتخابی عمل میں حصہ لینے پر پابندی عائد کردی ہے۔
الیکشن کمیشن نے اسلامی جمہوریہ پاکستان کے آئین کے آرٹیکل 63(1) ایچ کے تحت شاہ محمود قریشی کو نااہل کردیا گیا ہے۔
الیکشن کمیشن کی جانب سے جاری نوٹیفکیشن کے مطابق شاہ محمود قریشی آئندہ 5سال تک الیکشن میں حصہ نہیں لے سکیں گے۔
واضح رہے کہ سائفر کیس میں بانی پی ٹی آئی عمران خان اور سابق وزیر خارجہ شاہ محمود قریشی کو 10، 10 سال قید با مشقت کی سزا سنائی تھی۔