اردو انٹرنیشنل(مانیٹرنگ ڈیسک)چینی وزیر داخلہ کے ترجمان ماؤ ننگ نے اپنی روزانہ کی پر یس بریٍٍفنگ کے دوران کشمیر سے متعلق سوال کے جواب پر کہا کہ مسئلہ کشمیر پر چین کا موقف واضح ہےکہ مسئلہ کشمیر،جس کی ایک تاریخ ہے، اقوام متحدہ کے چارٹراورسلامتی کونسل کی قراردادوں کے مطابق حل کرنے کی ضرورت ہے۔
ترجمان نے مزید کہا کہ علاقائی امن و استحکام کو برقرار رکھنے کے لیے متعلقہ فریقوں یعنی پاکستان اور بھارت کو بات چیت اور مشاورت سے تنازعات کو حل کرنے کی ضرورت ہے۔
پیر کے روز بھارتی سپریم کورٹ نے ریاست جموں و کشمیر کی خصوصی حیثیت ختم کرنے کے حکومتی فیصلے کو برقرار رکھتے ہوے بلدیاتی انتخابات کا حکم دے .
جس پر پاکستان کے نگران وزیر خارجہ جلیل عباس جیلانی نے اسلام آباد میں پریس کانفرنس کرتے ہوئےبھارتی سپریم کورٹ کا فیصلہ مسترد کر دیا۔ نگران وزیر خارجہ نے کہا کہ مقبوضہ کشمیر بین الاقوامی طور پر تسلیم شدہ ایک متنازع علاقہ ہے لہذا بھارت کو مقبوضہ کشمیر کے متنازع علاقے کے تعین کا کوئی حق نہیں ہے۔
نگران وزیر خارجہ کا کہنا تھا کشمیری عوام بھارت کا 5 اگست 2019 کا یکطرفہ اقدام مسترد کر چکے ہیں.