بنوں: دہشت گردوں کی پولیس پر فائرنگ، 5 اہلکار زخمی
اردو انٹرنیشنل (مانیٹرنگ ڈیسک) خیبر پختونخوا کے ضلع بنوں میں پولیس پر فائرنگ کے نتیجےمیں 5 اہل کار زخمی ہوگئے۔
ڈان نیوز کی رپورٹ کے مطابق نامعلوم دہشت گردوں کی جانب سے اہلکاروں پر فائرنگ کا واقعہ تھانہ ڈومیل کی حدود میں ٹاؤن شپ مہاجر کیمپ کے علاقے میں پیش آیا۔
رپورٹ کے مطابق حملہ آوروں اور پولیس اہلکاروں کے درمیان فائرنگ کا تبادلہ کچھ دیر جاری رہا، واقعے کے بعد پولیس کی اضافی نفری طلب کی گئی۔
ریسکیو ذرائع کے مطابق زخمی پولیس اہل کاروں کو طبی امداد کی فراہمی کے لیے فوری طور پر ہسپتال منتقل کردیا گیا اور حملہ آوروں کی تلاش شروع کردی گئی۔
واضح رہے کہ گزشتہ چند برسوں سے خیبر پختونخوا اور بلوچستان خاص طوپر دہشت گردوں کے نشانے پر ہیں، 26 مارچ کو خیبرپختونخوا کے علاقے شانگلہ میں بشام کے مقام پر گاڑی پر خودکش حملے کے نتیجے میں 5 چینی باشندوں سمیت 6 افراد ہلاک ہوگئے تھے۔