چیئرمین سینیٹ صادق سنجرانی کو صوبائی اسمبلی کی نشست کے لئے بلوچستان عوامی پارٹی کا ٹکٹ جاری
اردو انٹرنیشنل (مانیٹرنگ ڈیسک) چیئرمین سینیٹ صادق سنجرانی نے قومی اسمبلی کے بجائے صوبائی اسمبلی کا الیکشن لڑنے کا فیصلہ کیا ہے.
ذرائع بلوچستان عوامی پارٹی کے مطابق چیرمین سینٹ صادق سنجرانی کا صوبائی اسمبلی کی نشست پر الیکشن لڑنے کا فیصلہ کیا ہے ،صادق سنجرانی پی بی 32 سے الیکشن لڑیں گے .
بلوچستان عوامی پارٹی نے این اے 260 سے صادق سنجرانی کے بھائی اعجاز سنجرانی کو ٹکٹ جاری کر دیا ،پارٹی ٹکٹ کی منظوری پارٹی صدر خالد مگسی نے دی جبکہ جمعیت علماء اسلام نے بھی حاجی میر عثمان بادینی کو باقاعدہ این اے 260 کا ٹکٹ جاری کر دیا۔
دوسری جانب پاکستان مسلم لیگ ن نے لاہور اور ملتان سمیت پنجاب کی پانچ ڈویژنوں میں قومی و صوبائی اسمبلیوں کے انتخابی امیدواروں کو ٹکٹیں جاری کردیں۔
ذرائع کے مطابق پاکستان پیپلزپارٹی بھی آج پنجاب میں اپنے امیدواروں کا اعلان کردے گی.