اردو انٹرنیشنل ( اسپورٹس ڈیسک) انڈیا اور آسٹریلیا کے درمیان آئی سی سی انڈر 19 ورلڈکپ کا فائنل میچ جنوبی افریقہ کے شہر بینونی میں کھیلا گیا جس میں آسٹریلیا نے ٹاس جیت کر پہلے بیٹنگ کا فیصلہ کیا.
پہلے بیٹنگ کرتے ہوئے آسٹریلیا نے مقررہ 50 اوور میں 7 وکٹوں کے نقصان پر 253 رنز بنائے.
آسٹریلیا کی طرف سے ہرجس سنگھ نے 55 رنز، کپتان ہیو ویبگن نے 48 ، ہیری ڈکسن نے 42 اور اولیور پیک نے 46 نز بنائے .
بھارت کی طرف سے راج لمبانی نے 3 وکٹیں جبکہ نمن تیواری نے دو وکٹیں حاصل کیں. اس کے علاوہ سومی پانڈے اور مشیر خان نے بھی ایک ایک وکٹ حاصل کی۔
254 رنز کے ہدف کے تعاقب میں بھارت کی پوری ٹیم 43.5 اوورز میں 174 رنز بناکر آؤٹ ہوگئی.
اوپنر بلے باز آدرش سنگھ نے 47، مشیر خان نے 22 ، مروگن ابھیشیک نے 42 اور نمن تیواری نے 14 رنز بنائے جبکہ دیگر کوئی کھلاڑی ڈبل فیگر میں داخل نہ ہوسکا۔
آسٹریلیا کی جانب سے ماہلی بیئرڈمین اور ریف میک میلن نے تین، تین وکٹیں حاصل کیں۔
یاد رہے کہ آسٹریلیا نے بھارت کو 79 رنز سے شکست دے کر انڈر 19 ورلڈ کپ کا چوتھی بار عالمی چیمپیئن بننے کا اعزاز حاصل کر لیا ہے.