ایشین کپ قطر،اردن نے عراق کو سنسنی خیز مقابلے میں شکست دے کر کوارٹر فائنل میں جگہ محفوظ کر لی
دوحہ کے خلیفہ انٹرنیشنل اسٹیڈیم میں راؤنڈ آف 16 میں ، اردن اور عراق کا میچ ہوا جس میں اردن نے غیر معمولی لچک کا مظاہرہ کرتے ہوئے عراق کو 3-2 سے شکست دی۔
ہیڈ کوچ جیسس کاساس نےعراقی ابتدائی لائن اپ میں تبدیلیاں کیں اور ان کھلاڑیوں کو ٹیم میں واپس لائے جنہوں نے جاپان کو 2-1 سے شکست دی تھی ۔ 2007 میں ایشین کپ جیتنے والی ٹیم عراق نے کھیل میں ابتدائی طور پر اپنا غلبہ ظاہر کیا ۔ دوسرے ہی منٹ میں احمد الحجاج نے علی جاسم کی طرف سے کارنر کک لگوائی لیکن وہ اس تک پہنچنے میں ناکام رہے۔
تاہم اردن نے بہتر کھیلنا شروع کیا اور 11ویں منٹ میں یزان النعمت نے طویل فاصلے تک شاٹ لگانے کی کوشش کی جو کراس بار کے اوپر جا لگا۔ چار منٹ بعد عراق کے یوسف امین نے سیٹ پیس سے گول کرنے کا ایک اور موقع گنوا دیا۔
کھیل کے 18ویں منٹ میں عراق کے گول کیپر جلال حسن کو اردن کے النعمت کی جانب سے شاٹ روکنے کے لیے اپنے گول ایریا سے باہر جانا پڑا، اس کے بعد علی اولوان گول کرنے کی کوشش کی مگر وہ اس میں کامیاب نہ ہوسکے۔ تاہم اردن نے 30ویں سے ٹھیک پہلے گول داغ دیا۔ اولوان نے احسان حداد کے پاس سے دفاع کو توڑ دیا تاہم، حسن نے گول کو روکنے کے لیے چستی اور مہارت کا مظاہرہ کیا۔
کھیل کے 38ویں منٹ میں اردن نے گول کرنے کا ایک اور موقع اس وقت پیدا کیا جب موسی تماری نے تین عراقی ڈیفنڈرز کو ڈرابل کرکے گول کرنے کی کوشش کی لیکن گول کیپر حسن نے ان کی کوشش کو روک دیا۔ تاہم پہلے ہاف کے اختتام تک اردن ایک گول کرنے میں کامیاب رہا۔
عراق نے امید نہیں ہاری اور دوسرے ہاف کے آغاز میں تیزی سے چارج سنبھال لیا۔ 56 ویں منٹ میں وہ گول کرنے کے قریب پہنچے جب حسین علی حیدر کے شاٹ نے اردن کے گول کیپر یزید ابولیلہ کو شاٹ بچانے پر مجبور کر دیا۔ بعد ازاں ابولیلہ نے علی جاسم کی شاٹ کو پینلٹی باکس کے اندر سے روک دیا۔
اس کے بعد، 68ویں منٹ میں، اردن کے دفاع کی طرف سے توجہ نہ دینے کی وجہ سے عراق کو برابر ی کا گول کرنے کا موقع ملا۔ سعود ناطق نے سب سے اونچی چھلانگ لگائی اور جاسم کی کارنر کک سے گیند کو جال میں پہنچا دیا۔
کھیل کے 76ویں منٹ میں اردن حیران کن طور پر پیچھے ہو گیا جب حسین نے باکس کے اندر سے ناقص کلیئرنس پر گیند کو جال کے نیچلے بائیں کونے میں مار کر عراق کے لیے گول کیا۔ تاہم عراق کی خوشی زیادہ دیر قائم نہ رہ سکی۔ کیونکہ گول کرنے کے فوراً بعد حسین کو دوسرا پیلا کارڈ ملنے پر ریڈ کارڈ دیکھایا گیا اور میدان سے باہر بھیج دیا گیا۔
تاہم ایک کھلاڑی کم ہونے کے باوجود، اردن نے ہمت نہیں ہاری۔ اضافی وقت کے چھٹے منٹ میں وہ کھیل برابر کرنے میں کامیاب ہو گئے۔ تماری کے پہلے شاٹ کو گول کیپر حسن نے بچانے کے بعد العرب نے گول کیا ۔ اردن نے کوشش جاری رکھی۔اس کے ایک منٹ بعد الراشدان نے پنالٹی ایریا کے بالکل باہر سے شاندار شاٹ لگا کر فاتح گول کیا۔ جس سے اردن کوارٹر فائنل میں پہنچ گیا ۔اورجمعہ کو کوارٹر فائنل میں اردن کا مقابلہ تاجکستان سے ہوگا۔
ایشین کپ قطر 2023:عمان اور کرغستان ٹورنامنٹ سے باہر
قطر میں ایشین کپ فٹبال ٹورنامنٹ عراق اور جاپان نےلاسٹ 16کےلیے کوالیفائی کرلیا