احتساب عدالت نے 190 ملین پاؤنڈ کیس میں عمران اور بشریٰ پر فرد جرم عائد کردی
اردو انٹرنیشنل(مانیٹرنگ ڈیسک) تفصیلات کے مطابق احتساب عدالت نے بانی پی ٹی آئی اور بشریٰ بی بی پر فرد جرم عائد کردی.
احتساب عدالت کے جج ناصر جاوید رانا نے اڈیالہ جیل راولپنڈی میں ریفرنس کی سماعت کی.
بانی پی ٹی آئی کی جانب سے بیرسٹر سلمان صفدر، عمیر نیازی اور دیگر وکلا عدالت میں پیش ہوئے جبکہ نیب کے ڈپٹی پراسیکیوٹر سردار مظفر عباسی نے دلائل دیے۔
عدالت نے دونوں ملزمان کی موجودگی میں فرد جرم پڑھ کر سنائی تاہم بانی عمران خان اور بشریٰ بی بی نے عدالت میں صحت جرم سے انکار کردیا۔
احتساب عدالت نے آئندہ سماعت پر کیس کے 5 گواہان کو طلبی کے نوٹسسز جاری کرتے ہوئے کیس کی سماعت 6 مارچ تک ملتوی کردی۔