اردو انٹرنیشنل(مانیٹرنگ ڈیسک) بلوچستان کے ضلع صحبت پورمیں کلی حسین آباد کے قریب روڈ کی تعمیراتی کام پر مزدوری کرنے والے مزدوروں کے کیمپ پر نامعلوم افراد کی جانب سے بارودی مواد کا دھماکہ ہوا ہے.دھماکے کے نتیجے میں ڈیوٹی پر تعینات دو پولیس اہلکار وں سمیت چار افراد زخمی ہو گئے۔
زخمیوں میں محمدعثمان گولہ،مہتاب علی اُنڑ اور دو مزدور صاحب خان جاگیرانی ،صدام حسین کھوسہ شامل ہیں۔
دھماکے میں شدیدزخمی ہونے والا صدام نامی شخص دم توڑ گیا۔ دھماکے کے بعد پولیس نے فوری طور پر جائے وقوعہ پر پہنچ کر زخمیوں کو ہسپتال پہنچایا اورپورے علاقے کی ناکہ بندی کرکے نامعلوم مسلح افراد کی تلاش شروع کردی ہے۔