ڈیرہ اسماعیل خان : آئل گیس کمپنی پر دہشتگردوں کا حملہ ،2 پولیس اہلکار شہید
ڈیرہ اسماعیل خان کے علاقے درہ زندہ میں آئل گیس کمپنی پر دہشتگردوں نے حملہ کردیا،حملے میں 2 پولیس اہلکار شہید ہوگئے.پولیس حکام کے مطابق حملے میں فائرنگ کے تبادلے میں ڈیوٹی پر مامور 2 پولیس اہلکار شہید جبکہ تین اہلکار زخمی ہوگئے جنہیں فوری طور پر اسپتال منتقل کر دیا گیا ہے جہاں ایک اہلکار کی حالت تشویشناک بتائی جارہی ہے۔
پولیس ذرائع کا کہنا ہے کہ حفاظت کے لیے کمپنی کیمپ پر پولیس کی نفری تعینات کی گئی تھی، واقعے کے بعدجائے وقوعہ پر مزید پولیس کی نفری پہنچ گئی اور ملزمان کی تلاش جاری ہے۔
