بالی ووڈ سٹار سنجے دت کی دبئی میں ایک تقریب کے دوران وسیم اکرم کی تعریف
بالی ووڈ میں منا بھائی ایم بی بی ایس کے نام سے مشہور سنجے دت بھی سوئنگ کے سلطان وسیم اکرم کے فین نکلے.
دبئی میں ایک تقریب کے دوران خطاب کرتے ہوئے سنجے دت نے کہا کہ میں وسیم اکرم کو بھائی کی طرح سمجھتا ہوں جن کو میں کئی سالوں سے جانتا ہوں اور اُن کے ساتھ یہاں بلائے جانے کو اپنے لئے اعزاز سمجھتا ہوں.
سنجے دت نے کہا کہ وسیم بھائی اُن چند عظیم کرکٹرز میں شامل ہیں جن کو میں جانتا ہوں. وسیم بھائی کی ایسی ریورس سوئنگ تھی جسے دیکھ کر سب ڈر جاتے تھے.
سنجے دت نے وسیم اکرم کو “گاڈ آف کرکٹ” کا لقب بھی دے دیا. یہاں یہ بات یاد رہے کہ وسیم اکرم ون ڈے کرکٹ میچ میں سب سے زیادہ وکٹیں لینے والے پہلے پاکستانی بالر ہیں اور 1992 میں ہونے والے ورلڈکپ میں اُن کی بہترین کارکردگی پر انہیں مین آف دی میچ ایوارڈ بھی دیا گیا تھا.
