جیل میں آئی ایم ایف اور یورپی یونین کے لوگ عمران خان سے ملنے آتےہیں: پرویز الٰہی
سابق وزیر اعلیٰ پنجاب چوہدری پرویز الٰہی نے عدالت میں صحافیوں سے گفتگو کرتے ہوئےکہا کہ مجھے آج تک کسی نے پریس کانفرنس کے لئے نہیں کہا،ہم عمران خان کے ساتھ کھڑے ہیں اور کھڑے رہیں گے۔
انہوں نے کہا کہ سپریم کورٹ کے کہنے پر الیکشن کی تاریخ ملی ہے، اس الیکشن میں دھاندلی نہیں ہو گی، مسلم لیگ ن کے پاس لاہور سمیت پورے پاکستان میں الیکشن کے لیے بندے نہیں ہیں جبکہ تحریک انصاف کو عام انتخابات میں اتنے ووٹ پڑیں گے جس کی کوئی حد نہیں۔
چوہدری پرویز الٰہی نے کہا کہ ہمارے اسٹیبلشمنٹ کے ساتھ ہمیشہ ہی اچھے تعلقات رہے ہیں۔انہوں نے بتایا کہ عمران خان انکے ساتھ والے سیل میں ہیں، آئی ایم ایف اور یورپی یونین کے لوگ چیئرمین پی ٹی آئی سے ملنے کے لئے آتے ہیں.