اردو انٹرنیشنل (اسپورٹس ویب ڈیسک) تفصیلات کے مطابق آرسنل نے پریمیئر لیگ کے اہم میچ میں مانچسٹر یونائیٹڈ کو 2-0 سے شکست دی اور یہ مانچسٹر یونائیٹڈ کی انگلش فٹبال میں نئے کوچ روبن اموریم کی قیادت میں پہلی شکست تھی ۔
آرسنل کی جانب سےمیچ کے 54ویں منٹ میں ڈیکلن رائس کے کارنر کو آرسنل کے ڈیفینڈر یوویئن ٹمبا نے قریبی پوسٹ پر ہیڈر کے ذریعے گول میں تبدیل کر دیا، جس سے آرسنل کو ابتدائی برتری حاصل ہوئی اس کے بعد ولیم سلیبا نے دوسرے گول میں اپنا کردار ادا کیا، جس سے آرسنل برتری کھیل میں مزید مستحکم ہوگئی۔ آرسنل کی جانب سے دونوں گول کارنر کی شاندار حکمت عملی سے کیے گئے۔
یونائیٹڈ کے کھلاڑی دیوگو دیلوٹ اور ماتھیس دیلیخت نے آرسنل کے گول پر خطرہ پیدا کرنے کی کوشش کی، لیکن آرسنل کے گول کیپر ڈیوڈ رایا کی شاندار کارکردگی نے ان کے ارادے ناکام بنا دیے۔
آرسنل کی ٹیم سیٹ پیسز پر اپنی مہارت دکھا رہی ہے۔ یہ ان کا گزشتہ سیزن سے اب تک 22واں سیٹ پیس گول تھا، جو لیگ میں کسی بھی ٹیم سے زیادہ ہے۔
اس فتح کے بعد آرسنل 28 پوائنٹس کے ساتھ چیلسی کے برابر ٹیبل پر تیسرے نمبر پر آ گیا ہے جبکہ لیورپول سے ابھی بھی سات پوائنٹس پیچھے ہے۔
آرسنل کی بہترین کارکردگی اور یونائیٹڈ کی ناقص دفاعی حکمت عملی نے روبن اموریم کے ناقابل شکست آغاز کو ختم کر دیا۔ یہ میچ آرسنل کی سیٹ پیس حکمت عملی کی طاقت اور یونائیٹڈ کے لیے ایک انتباہ تھا کہ مستقبل میں مزید مضبوط حکمت عملی کی ضرورت ہے۔
