پیرس : چھوٹا طیارہ موٹر وے پر گر کرتباہ، 3 افراد ہلاک
اردو انٹرنیشنل (مانیٹرنگ ڈیسک) فرانس میں ایک چھوٹے طیارے کی فضائی حادثے کے نتیجے میں تین افراد ہلاک ہو گئے ہیں۔ طیارہ پیرس کے بیرون میں ایک موٹروے پر گر کر تباہ ہو گیا ہے۔
پولیس کے مطابق طیارہ اس وقت حادثے کا شکار ہو گیا جب دوران پرواز بجلی کی تاروں سے ٹکرا گیا۔ یہ حادثہ اتوار کے روز فرانس کے دارالحکومت پیرس کے مشرق کی جانب پیش آیا ہے۔ حادثے کے فوری بعد دونوں اطراف سے موٹر وے کو بند کر کے کسی مزید حادثے کا خظرہ روک دیا گیا۔
پولیس ذرائع نے بتایا ہے کہ چھوٹے طیارے کے موٹر وے پر گرنے سے کوئی کار اس کی زد میں نہیں آئی ہے۔ پولیس ذرائع کے مطابق اس واقعے کے بارے میں پولیس کا باضابطہ بیان بعد ازاں جاری کیا جائے گا۔
ذرائع نے نام ظاہر نہ کرنے کی شرط پر بتایا کہ طیارہ گرنے کے بعد اے 4 موٹر وے کو دونوں سمتوں سے بلاک کر دیا گیا تھا، البتہ حادثے کے دوران کسی گاڑی کو نقصان نہیں پہنچا اور نہ ہی طیارے میں سوار افراد کے علاوہ کوئی جانی نقصان ہوا۔