اوگرا نے گیس مزید مہنگی کرنے کی تیاری مکمل کر لی

اردو انٹرنیشنل (مانیڑنگ ڈیسک ) تفصیلات کے مطابق اوگرا نے گیس کا اوسط ٹیرف مزید بڑھانے کی منظوری دے دی ہے. عالمی مالیاتی ادارے (آئی ایم ایف) کی ایک اور شرط پورا کرنے کیلئے آئل اینڈ گیس ریگولیٹری اتھارٹی (اوگرا) نے گیس کا اوسط ٹیرف مزید 35.13 فیصد تک بڑھانےکی منظوری دے دی ہے۔

اوگرا کی جانب سے گیس کی قیمتوں میں اضافے کا فیصلہ وفاقی حکومت کو بھجوادیا گیا ہے، وفاقی حکومت کی منظوری کے بعد اوگرا باقاعدہ نوٹیفکیشن جاری کرے گا۔
اسلام آباد، پنجاب اور خیبرپختونخوا کے گیس صارفین کے لیے ٹیرف میں اوسطاً 35.13 فیصد اضافے جبکہ سندھ اور بلوچستان کے گیس صارفین کے لیے ٹیرف میں اوسطاً 8.57 فیصد اضافے کی منظوری دی گئی ہے۔
فیصلے کے مطابق سوئی ناردرن کا ٹیرف 435.14 روپے فی ایم ایم بی ٹی یو تک بڑھانے کی اجازت دی گئی ہے جبکہ سوئی سدرن کا ٹیرف 115.72 روپےفی ایم ایم بی ٹی یو بڑھانےکی منظوری دے دی گئی ہے .
سوئی ناردرن کے لیے نیا ٹیرف 1673.82 روپے فی ایم ایم بی ٹی یو کردیا گیا ہے.
جبکہ سوئی سدرن کے لیے نیا ٹیرف 1466.40 روپے فی ایم ایم بی ٹی یو کردیا ہے.