کم جونگ ان شمالی کوریا کے سربراہ نے اپنے حکام کو فلسطین کی حمایت کرنے کا حکم دیدیا.
ایک امریکی اخبار نے جنوبی کوریا کی خفیہ ایجنسی کے حوالے سے دعویٰ کیا ہے کہ شمالی کوریا کی جانب سے فلسطین کی حمایت کے بعد خدشہ ہے کہ وہ حماس کو ہتھیار فراہم کر سکتا ہے.
جنوبی کوریا کا کہنا ہے کہ اسرائیل پر حماس کے 7 اکتوبر کے حملوں کی تصاویر اور ویڈیوز سے پتہ چلتا ہے کہ اس حملے میں بھی شمالی کورین ساختہ ہتھیار استعمال ہوئے تھے.
امریکی اخبار کے مطابق ماضی میں شمالی کوریا ،حماس کو توپ شکن راکٹ لانچرز بھی فروخت کر چکا ہے .جنوبی کوریا کی خفیہ ایجنسی کا کہنا ہے کہ شمالی کوریا غزہ جنگ کیلئے حماس کو مزید ہتھیاربھی دے سکتا ہے۔