اردن کی ایشین کپ تاریخ میں پہلی بارفائنل تک رسائی
اردن نے کھیل کا آغاز تیز اور جارحانہ انداز میں کیا ۔ چوتھے منٹ میں اردن کے النعمت نے قریب سے شاٹ لیا لیکن کوریا کے گول کیپر جو ہیون وو ،نے ڈائیونگ سیو کر کے گول کو روک دیا۔
پورے کھیل کے دوران، جب بھی کوریا نے آگے بڑھنے کی کوشش کی تب تب اردن ان کے لیے خطرناک ثابت ہوا۔ التماری نے مہارت کے ساتھ تین ڈیفنڈرز کو عبور کیا اور نور الروابدہ کے پاس گیا، جس نے کوریا کے گول کیپر جو، کو ایک اور متاثر کن شاٹ بچانے پر مجبور کیا۔
جوں جوں میچ آگے بڑھا، کوریا نے بہتر کھیلنا شروع کردیا ۔ 19ویں منٹ میں سون ہیونگ کا گول اس لیے مسترد کر دیا گیا کیونکہ وہ آف سائیڈ تھا۔ جبکہ 24ویں منٹ میں لی کانگ ان نے باکس کے اندر سے گول کرنے کا موقع گنوا دیا۔
اس دوران اردن نے کھیل میں مسلسل خطرہ پیدا کیا لیکن گول کرنے کے کئی مواقع گنوا دیئے۔ جیسا کہ النعمت نے گول کا ایک موقع گنوا دیا اور پھر 27 ویں منٹ میں دوبارہ یہی غلطی دہرائی ۔ اس کے بعد التماری کا شاٹ باکس کے بالکل باہر سے کراس بار پر چھوٹ گیا ۔
30ویں منٹ میں جنوبی کوریا کو پنالٹی ملی، لیکن ویڈیو اسسٹنٹ ریفری (VAR) کے جائزے کے بعد اسے پلٹ دیا گیا۔ اس کے بعد، لی جے سانگ نے ہوانگ ان بیوم سے کراس حاصل کرنے کے بعد اپنے شاٹ سے پوسٹ کو نشانہ بنایا۔
43 ویں منٹ میں اردن کے النعمت نے تین ڈیفینڈرز کو پیچھے چھوڑتے ہوئے مہارت سے رن بنایا اور گول کی طرف ایک زوردار شاٹ لیا، لیکن یہ گول کیپر جو کو لگا۔ ریباؤنڈ الروابدہ کو گیا لیکن اس کا شاٹ بھی کھیل سے باہر جانے سے پہلے گول کیپر کو لگا۔
اگرچہ کوریا کھیل پر حاوی نہیں تھا، ان کے پاس ہاف ٹائم سے پہلے گول کرنے کا اچھا موقع تھا۔ سیول ینگ وو نے سائیڈ سے گیند کو کراس کیا لیکن ہوانگ نے گول کرنے کا موقع ضائع کرتے ہوئے اپنا شاٹ گول سے اوپر پھینک دیا ۔
دوسرے ہاف کے آغاز میں اردن کی رفتار پہلے کی طرح تیز نہیں تھی لیکن پھر بھی انہوں نے کھیل پر قابو پالیا۔ جنوبی کوریا کو گیند پر قبضہ برقرار رکھنے میں دشواری کا سامنا کرنا پڑا۔
53ویں منٹ میں اردن کی کوششیں رنگ لائیں ۔ التماری نے کوریا کے جنگ سیونگ ہیون کی غلطی کا فائدہ اٹھایا، جنہوں نے ایک برا پاس دیا۔ التماری نے اس کے بعد فوراً گیند النعمت کو دے دی اور النعمت نے گیند کو گول کیپر جو کے اوپر دے کر میچ کا پہلا گول کیا۔
اس کے بعد کوریا نے کھیل پر اپنی گرفت مضبوط کرنے کے لیے چو گو-سنگ کو کھیل میں شامل کیا ۔ تاہم، چو نے 60 ویں منٹ میں کانگ اِن ،کو ہیڈ کی کوشش سے محروم کر دیا اور گیند کو کراس بار پر بھیج دیا۔
اردن نے اس موقع سے فائدہ اٹھایا اور چھ منٹ بعد دوبارہ گول کر دیا۔ التماری نے پنالٹی ایریا کے اندر ایک شاندار گول کر کے اردن کی برتری کو بڑھا دیا۔
کوریا کی کھیل میں واپس آنے کی کوششوں کے باوجود، وہ اردن کے دفاع کو توڑ نہیں سکے۔ اردن نے کوریا کو کو ہرا کر پورے میچ میں غیر معمولی طور پر اچھا کھیلا جبکہ جنوبی کوریا اردن کی رفتار اور عزم کے سامنے ہیچ ہوگیا ، اور اس کے نتیجے میں، اردن نے پہلی بار ایشین کپ کے فائنل میں جگہ حاصل کی۔اردن کا سامنا ایشین کپ کے فائنل میں آج کے سیمی فائنل کے فاتح ایران یا قطر سے ہوگا۔
