اردو انٹرنیشنل اسپورٹس ویب ڈیسک تفصیلات کے مطابق فرنچ اوپن ٹینس ٹورنامنٹ2024 میں خواتین کے سنگلز کے لیے سیمی فائنل لائن اپ تقریباً مکمل ہو گیا ہے۔ کوارٹر فائنل میں شائقین کو بڑا سرپرائز 5 جون کو 12 ویں سیڈڈ جیسمین پاولینی نے چوتھی سیڈ ایلینا رائباکینا کوہرا کردیا ۔
پاولینی نے پہلا سیٹ 6-2 سے جیتا، دوسرا سیٹ 6-4 سے ہارا، لیکن اس نے تیسرا سیٹ 6-4 سے جیت کر اپنے پہلے گرینڈ سلیم سیمی فائنل میں جگہ بنا لی۔
پاؤلینی نے اپنی جیت کے بعد کورٹ میں موجود ہجوم سے خطاب کرتے ہوئے کہا، “یہ واقعی ایک سخت مقابلہ تھا۔ میں دوسرے سیٹ میں میں قدرے جذباتی تھی۔”
“میں نے ہر ایک پوائنٹ پر توجہ مرکوز کرنے کی کوشش کی، دوسرے سیٹ میں جو کچھ ہوا اسے بھولنے کے لیے میں کھیل میں دوبارہ واپس آنے میں کامیاب ہو گئی۔ میرے حوصلہ افزائی کے لیے آپ سب کا شکریہ۔”
پاولینی سیمی فائنل میں 17 سالہ میرا اینڈریوا سے کھیلیں گی۔ اینڈریوا نے پہلا سیٹ 6-7 سے ہارنے کے بعد دوسرا اور تیسرا سیٹ 6-4، 6-4 سے جیت کر آرینا سبالینکا کو شکست دی۔
سیمی فائنل میں کوکو گاف اور ایگا سویٹیک بھی کھیلیں گے۔ گاف نے 4 جون کو تین سیٹوں کے میچ میں اونس جبیور کو شکست دی،جبکہ سویٹیک نے اسی دن بعد میں مارگیتا کے خلاف سیدھے سیٹوں (6-0، 6-2) سے کامیابی حاصل کی۔