سابق کرکٹر عمران نذیر ،مایہ ناز بلے باز بابر اعظم کے معترف
اردو انٹرنیشنل (مانیٹرنگ ڈیسک)میڈیا رپورٹس کے مطابق سابق کرکٹر عمران نذیر نے بابر اعظم کی تعریف کرتے ہوئے کہا کہ وہ دنیا کے بہترین کھلاڑی ہیں، سابق کپتان اپنے کھیل کے ذریعے پاکستان کا سر فخر سے بلند کر رہے ہیں .
ایک طرف باقی دنیا نہ صرف ان کی تعریف کرتی ہے بلکہ انہیں بہترین کھلاڑی مانتی ہے دوسری طرف یہاں ہم انہیں سائیڈ لائن کر کے کسی اور کو لانے کی کوشش کرتے ہیں۔
سابق کرکٹر نے کہا کہ ان کا ماننا ہے کہ پاکستان میں بابر وہ کھلاڑی ہیں جو تکنیک کے لحاظ سے، ایک اچھے بلے باز کے طور پر جانے جاتے ہیں اور ساتھ ہی ساتھ شخصیت کے طور پر ایک مایہ ناز کرکٹر ہونے کے معنی کو ظاہر کرتے ہیں۔
عمران نذیر کا کہنا تھا بابر وہ کھلاڑی ہیں جو اپنا کردار کھیل میں بھرپور طریقے سے نبھاتے ہیں.
انہوں نےٹیم پر تنقید کرتے ہوئے کہا کہ جب وہ کچھ نہیں کر رہی تو آپ بابر کو اٹھا کر مورد الزام نہیں ٹھرا سکتے، لیکن اب بھی میں دیکھ رہا ہوں کہ سب ہاتھ دھو کربابر اعظم کے پیچھے پڑے ہوئے ہیں۔
’پہلے کرکٹ کو سمجھو‘، عمران نذیر کا بابر اعظم کے دفاع میں ناقدین کو جواب
