برٹش کوچ تریشن پٹیل نے باضابطہ طور پر پاکستان فٹبال اسکواڈ کو جوائن کرلیا
پاکستان فٹبال فیڈریشن کے ترجمان کے مطابق، برٹش انڈین کوچ تریشن پٹیل نے باضابطہ طور پر پاکستان فٹبال اسکواڈ کو جوائن کرلیا ہے، وہ ماضی میں ریموٹلی ٹیم کے ساتھ اپنا کردار ادا کرچکے ہیں تاہم وہ اب فیلڈ پر کوچ اسٹیفین کونسٹنٹائن کے ساتھ کام کریں گے۔
انہیں بطور اسسٹنٹ کوچ اور پرفارمنس اینالسٹ ٹیم کے ساتھ مقرر کیا ہے۔ وہ سعودی عرب اور تاجکستان کیخلاف میچ کیلئے پاکستان ٹیم کے ساتھ ہوں گے۔
تریشن پٹیل2006 سے کوچنگ سے وابستہ ہیں .وہ انگلینڈ میں مختلف کلبز اور فٹبال ایسوسی ایشن کے پروگرامز میں کوچنگ کرچکے ہیں۔ وہ لیورپول میں انٹرنیشنل اکیڈمی کوچ رہے جبکہ لیوٹن ٹاؤن کے ساتھ وہ کمیونٹی کوچ کی ذمہ داری انجام دے چکے ہیں۔ حال ہی میں انہوں نے برطانوی کلب برکھمسٹیڈ کے ساتھ کام کیا۔
پاکستان فٹبال ٹیم فیفا ورلڈ کپ کوالیفائر میں اگلا میچ چھ جون کو اسلام آباد میں سعودی عرب کیخلاف کھیلے گی جبکہ 11 جون کو وہ تاجکستان سے اپنا آخری کوالیفائر میچ اوے گراؤنڈ پر کھیلے گی۔
