افغانستان سے شرم ناک شکست کے باوجود ایگور اسٹیمک ہندوستان کی اگلے راؤنڈ میں ترقی کے لیے پر امید

گوہاٹی: مشکلات میں گھری ہندوستانی فٹ بال ٹیم کے ہیڈ کوچ ایگور اسٹیمک نے کہا کہ ان کی ٹیم فیفا ورلڈ کپ کوالیفائر کے تیسرے راؤنڈ میں آگے بڑھ سکتی ہے دنیا میں 158ویں نمبر پر موجود افغانستان نے حیران کن طور پر 117ویں نمبر پر موجود بھارت کو 2-1 کے اسکور سے شکست دی۔ یہ نقصان بھارت کے لیے شرمناک سمجھا گیا۔ اس دھچکے کے باوجود، اسٹیمک ٹورنامنٹ میں ہندوستان کے مزید ترقی کے امکانات کے بارے میں پر امید ہے۔

دنیا میں 158 ویں نمبر پر، افغانستان نے 117 رینک والے ہندوستان کو 2-1 سے حیران کر دیا جوکہ ہندوستان ٹیم کو حالیہ برسوں میں شرمناک شکستوں میں سے ایک تھی ، اس میچ میں واحد گول سنیل چھتری نے کیا جو کہ ان کا 150 ویں میچ میں 94 واں بین الاقوامی گول تھا ۔

میچ کے دوسرے ہاف میں افغانستان نے دو گول کئے۔ رحمت اکبری نے 71ویں منٹ میں اور شریف محمد نے 88ویں منٹ میں گول کیا۔ افغانستان کی اس پیش رفت نے اندرا گاندھی ایتھلیٹک اسٹیڈیم میں شائقین کو مایوسی کیا اور یہ ہندوستانی ٹیم کے لیے بھی کسی مایوسی سے کم نہیں تھا ۔

کوچ ایگور اسٹیمک نے ٹیم کی شکست پر معذرت کی اور میچ نہ جیتنے پر افسوس کا اظہار کیا۔ انہوں نے اعتراف کیا کہ کھیل کے دوران بہت سی چیزیں درست کرنے کے باوجود، ٹیم نے کچھ غلطیاں کیں، خاص طور پر جب ٹیم تقریباً 5-6 منٹ تک کھیل پر توجہ مرکوز کرنے سے محروم رہی ۔ انہوں نے خبردار کیا کہ اگر وہ بہتر نہیں ہوئے تو وہ اسی سطح پر رہیں گے جس سطح پر وہ گزشتہ آٹھ سالوں سے میانمار اور گوام جیسی ٹیموں کے خلاف کھیل رہے ہیں۔