اردو انٹرنیشنل اسپورٹس ڈیسک تفصیلات کے مطابق اے ایف سی کا 3رکنی وفد پاکستان پہنچ گیا، اس وفد میں ہیڈ آف اسٹریٹجک پلاننگ اور ایڈوائزری یونٹ لیزارس جانسن، سینئر منیجر ساﺅتھ ایشیا یونٹ سونم جگمی اور منیجر ساﺅتھ ایشیا یونٹ دنیش ڈی سلوا شامل ہیں ۔
وفد کی پی ایف ایف نارملائزیشن کمیٹی کے چیئرمین ہارون ملک سے میٹنگ ہوئی.اس میٹنگ میں پاکستان فٹبال کی موجودہ صورتحال پر بات چیت ہوئی۔ اس کے علاوہ اس اہم میٹنگ میں فیڈریشن کی گورننس، فنانس، پلاننگ، انتظامی امور پر بھی غور انفرا اسٹرکچر اور پروفیشنل فٹبال کے معاملات کا بھی جائزہ لیا گیا ۔
اے ایف سی کا وفد 3روز تک پاکستان میں قیام کرے گا اور اس دوران پاکستان میں فٹبال معاملات کا جائزہ لے گا. اس کے علاوہ اس وفد کا نیشنل چیلنج کپ کے میچز کا دورہ بھی متوقع ہے .
