امریکا: شکاگو میں ٹرین پر اندھا دھند فائرنگ سے 4 افراد ہلاک
اردو انٹرنیشنل (مانیٹرنگ ڈیسک) امریکی شہر شکاگو میں 25 سالہ نوجوان نے فائرنگ کرکے 4 افراد کو ہلاک کردیا۔
غیر ملکی خبر رساں ادارے کی رپورٹ کے مطابق ملزم نے فاریسٹ پارک میں بلیو لائن ٹرین پر اندھا دھند فائرنگ کی جس کے نتیجے میں 3 افراد موقع پر ہی دم توڑ گئے جب کہ چوتھا شخص ہسپتال میں دوران علاج انتقال کر گیا۔
پولیس نے 25 سالہ حملہ آور کو گرفتار کر کے اس کے قبضے سے اسلحہ برآمد کرلیا۔
پولیس ذرائع کا اس حوالے سے کہنا ہے کہ ملزم کے بارے میں ابھی تک کوئی واضح معلومات حاصل نہیں ہوسکیں، تحقیق کے بعد حقائق سامنے آئیں گے۔
حکام نے واضح کیا کہ ملزم کا متاثرہ افراد سے کوئی تعلق نہیں تھا، تاہم قتل کے محرکات جاننے کے لیے مزید تحقیقات جاری ہیں۔
واضحرہے کہ فاریسٹ پارک کے ڈپٹی چیف کرس چن نے ایک نیوز کانفرنس میں بتایا کہ ایک مشتبہ شخص کو حراست میں لے لیا گیا ہے اور ایک ہتھیار برآمد کیا گیا ہے۔
