جو الیکشن کے نام پر ہو رہا ہے اس سے بہتر ہے نواز شریف کو پرائم منسٹر ہاؤس لے جا کر بٹھا دیں،علیمہ خان
اردو انٹرنیشنل (مانیٹرنگ ڈیسک)سابق وزیراعظم عمران خان کی بہن علیمہ خان نے عدالت کے باہر میڈیا سے گفتگو کرتے ہوئے ایک سوال کے جواب میں کہا کہ نواز شریف کو جس طرح کی ریسپشن دی گئی، اس کیلئے بھی عدالتوں کا مذاق بنایا گیا۔ نواز شریف کو پرائم منسٹر ہاؤس لے جا کر بٹھا دیں،علیمہ خان
جو کچھ الیکشن کے نام پر ہو رہا ہے اس سے بہتر ہے نواز شریف کو سیدھا پرائم منسٹر ہاوس میں لے جا کر بٹھا دیں۔عمران خان 4 ماہ سے سائفر کیس میں جیل کے اندر ہیں۔ ایک مقدمے میں ضمانت ملتی ہے تو دوسرا جج تیار بیٹھا ہوتا ہے دوسرے کیس میں سزا دینے کے لیے۔ عدالتوں کو سوچنا ہوگا ، سسٹم کو دوبارہ کھڑا کرنا ہوگا۔ 24 کروڑ لوگوں کا اعتماد عدالتوں سے اٹھتا جا رہا ہے۔
بانی چیئرمین پی ٹی آئی اور شاہ محمود قریشی کے ساتھ زیادتی ہو رہی ہے، انہیں انصاف نہیں مل رہا، جو کچھ ہو رہا ہے یہ پورے نظام پر دھبہ ہے اس دھبے کو دھونا ہوگا۔
واضح رہے کہ سینئرصحافی جاوید چوہدری نے گزشتہ روز دعویٰ کیا تھا کہ جیل کے اندر ٹرائل کے دوران عمران خان صاحب رو پڑے تھے اور جیل کے عملے نے انہیں تشو پیپر دئیے اور جب وہ آنکھیں صاف کررہے تھے تو وہاں اتنا سوگوار سا ماحول پیدا ہوگیاتھا کہ جج صاحب بھی اپنی سیٹ سے اٹھ کر چلے گئے تھے۔
صحافی جاوید چوہدری کے دعوے کی تردید کرتے ہوئے علیمہ خان نے کہا ہے کہ عمران خان عدالت میں رو نہیں رہے تھے۔ عمران خان بالکل نہیں رو رہے تھے، وہ صرف اس بات پر نالاں تھے کہ گزشتہ 5 ماہ کے دوران ان کی صرف ایک بار بیٹوں سے بات کروائی گئی۔عمران خان نے بچوں سے بات کروانے کی اپیل کی تھی اور وہ اس بات پہ ناراض تھے بلکہ کافی ناراض تھے۔
